सामुदायिक वन दिवसका अवसरमा नेपाल सरकार वन तथा वातावरण मन्त्रालयले गणेशमान सिंह सामुदायिक वन राष्ट्रिय पुरस्कार समारोहमा आयोजना गरी सम्मान तथा पुरस्कार वितरण कार्यक्रम सम्पन्न गरेको छ ।
कार्यक्रममा वन तथा वातावरण सचिव डा. पेमनारायण कण्डेलले सामुदायिक वनको सफलता सवैकालागी अनुकरणीय भएको वताउनु भयो ।
नेपालको वन ब्यवस्थापनको बुझाईमा परिवर्तनको ल्याएको वताउदै वन क्षेत्रवाट उद्यम संचालन गर्दे रोजगारिका अवसर वढाउनु पर्ने बतउनुभयो । सामुदायिक वन संरक्षण सम्वर्धनमा अव्वल भैसकेको अवका दिनमा उत्पादनमा जोड दिनु पर्ने वताउनु भयो ।
सामुदायिक वन उपभोक्ता महासंघ, नेपालका अध्यक्ष भारती पाठकले सरकारले नीति कार्यक्रम तथा वजेट बनाउदा सामुदायिक संगठनलाई बलियो बनाउने, वन ब्यवस्थापनलाई ब्यवस्थित तुल्याउने तथा सामुदायिक वनको नाममा समेत बजेट छुट्याउनुपर्ने बताउनुभएको छ ।
कार्यक्रममा सामुदायिक वन उपभोक्ता महासंघका अध्यक्ष पाठकले वन बचाउने, ब्यवस्थापन गर्ने समुदायले गरेकोले उत्पादन र संरक्षण गर्नेले नै जंगलबाट फाईदा लिनुपर्ने बताउनुभयो । राज्यले श्रोत, साधनमा विपन्न, दलित, आदिवासी जनजाति, मधेसी, महिला, पिछडीएका वर्गको सक्रिय सहभागिता र अधिकार सुनिश्चित गर्नुपर्ने वताउनुभयो ।
कार्यक्रममा वोल्दै अर्थ मन्त्रालयका सचिव प्रकाश लम्सालले डेढ करोड भन्दा वढी जनता सामुदायिक वनमा आवद्ध रहेको बताउदै नेपालको सामुदायिक वनले अन्तराष्ट्रि«य माान्यता पाएको बताउनुभयो ।
यस वर्ष सामुदायिक वन दिवस २०७८ “सामुदायिक वनको सम्पत्ति : समृद्धि, प्रकृति र सस्ंकृति” मुल नारा सहित सम्पन्न भएको छ ।
